Hepatiti B

• Hepatiti Akut, nga momenti i infektimit deri në gjashtë muaj.
• Hepatiti Kronik, mbi gjashtë muaj nga momenti i infektimit. Kjo ndodh në rastet kur sistemi imunitar nuk arrin ta mposhtë infeksionin.

 

Hepatiti Kronik, i Tipit B mund të japë një sërë komplikacionesh afatgjata tek pacientët e prekur. Ato më të rëndësishmet janë:

• Cirrozë e kompensuar ose e dekompensuar.
• Kanceri i mëlçisë.
• Dëmtimet e veshkave.
• Dëmtimet e enëve të gjakut

 

Ankesat:

• Humbje të oreksit.
• Të përziera dhe/ose të vjella.
• Ethe, temperaturë subfebrile (temperaturë të lehtë të trupit, nën 38°C).
• Urinë me ngjyrë të errët.
• Dhimbje kyçesh dhe muskujsh.
• Zverdhje të syve dhe të Iëkurës.
• Dhimbje në zonën e mëIçisë (në të djathtë, nën brinjë).

 

Diagnoza:

Hapi i parë është vizita gastro-hepatologjike (çdo gjashtë deri në dymbëdhjetë muaj nëse jeni pozitiv). Bazuar në ankesat, ecurinë e këtyre ankesave, historikun e jetës dhe historikun shëndetësor të familjes, mjeku specialist harton planin e ekzaminimeve laboratorike dhe instrumentale, për të vendosur shkallën e infeksionit dhe të inflamacionit.

Ekzaminime:

• Ekografi abdominale.
• Elastografi e mëIçisë.

Analiza:

• Gjak komplet.
• Urinë komplet.
• SGOT, SGPT, GGT.
• Bilirubinë totale, bilirubinë direkte.
• INR, niveli i protrombinës.
• Fibrinogjen, ALP.
• Albuminemi, proteinë totale.
• Azotemi, kreatinemi.
• Glicemi, Hb1Ac..
• Lipidogramë.
• PCR, LDH.
• Uricemi.
• AgHBs, Anti HBc—IgM, AgHBe, Anti HBe.
• HBV—DNA.
• Anti HCV.

 

Trajtimi:

Hepatiti B është një sëmundje pothuajse e pashërueshme. Rastet e zhdukjes së plotë të kësaj sëmundje nga pacientët e prekur janë shumë të rralla. Trajtimi me medikamente antivirale mund të:

• Parandalojë kalimin në cirrozë.
• Ngadalësojë përparimin e cirrozës.
• Reduktojë shfaqjen e kancerit dhe të përmirësojë mbijetesën afatgjatë.

Ruajta e një ekuilibri të shëndetshëm ushqimor dhe jetësor, duke shmangur alkoolin, duhanin, yndyrat shtazore dhe stresin është shumë i rëndësishëm për mbarëvajtjen afatgjatë të sëmundjes. Gjithashtu, duhen shmangur në maksimum medikamentet që dëmtojnë mëlçinë (p.sh Paracetamoli). Njoftoni çdo mjek tek i cili do të vizitoheni nëse vuani nga Hepatiti Kronik i Tipit B.

 

Parandalimi:

• Vaksinimi është mënyra më e mirë që ju mbron në 95 % të rasteve.
• Rekomandohet që të gjithë të porsalindurit, fëmijët dhe adoleshentët deri në moshën 18 vjeç të vaksinohen.
• Vaksinimi rekomandohet edhe tek të gjithë të rriturit që kanë rrezik të lartë ndaj këtij infektimi.
• Nëse nëna ka virusin e Hepatitit B, foshnja duhet të marrë një injeksion shtesë brenda 12 orëve të lindjes, për një mbrojtje më të mirë. Pas 9 muajve foshnja duhet të testohet për t’u siguruar nëse është e imunizuar ndaj Hepatitit B.

Kujdes!! Nëse keni virusin e Hepatitit B, ju duhet të jeni të përgjegjshëm për njerëzit që ju rrethojnë dhe të bëni maksimumin e kujdesit që ky virus të mos përhapet tek të tjerët. Për këtë arsye, nëse jeni mbartës i Hepatitit B, ju duhet të:

• Siguroheni që njerëzit, të cilët janë në kontakt të ngushtë me ju, të jenë të vaksinuar.
• Përdorni prezervativ gjatë kryerjes së marrëdhënieve seksuale.
• Mos shkëmbeni furçat e dhëmbëve, brisqet ose gjëra të tjera të ngjashme sepse mbi të mund të ketë gjak, përfshi këtu dhe gjakun e thatë.
• Mos lejoni që njerëzit e tjerë të prekin plagët tuaja, në qoftë se nuk kanë veshur doreza.
• Mos ndani shiringa, age ose mjete të tjera të injektimit të drogës.
• Mos dhuroni gjak, spermë, organe ose inde trupore.
• Nëse jeni shtatzënë apo dëshironi të keni femijë , bisedoni me mjekun tuaj rreth vaksinimeve, për të cilat do të ketë nevojë fëmija juaj.

 

KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.