Çfarë është vizita kardiologjike?

Vizita kardiologjike është kontrolli mjekësor i specializuar që synon diagnostikimin, trajtimin dhe ndjekjen e sëmundjeve të zemrës dhe të enëve të gjakut.

Ajo kryhet nga mjekju kardiologe, i cili analizon në mënyrë të detajuar simptomat, historinë mjekësore dhe faktorët e rrezikut për të ndërtuar një plan të personalizuar vlerësimi dhe trajtimi.

📌 Fakt
Vizita përbën hapin e parë dhe më të rëndësishëm përpara çdo ekzaminimi kardiologjik.

---

Kur rekomandohet kjo vizitë?

Vizita rekomandohet nëse pacienti paraqet simptoma të tilla si:

• Dhimbje ose shtrëngim në kraharor.
• Vështirësi në frymëmarrje (dispne).
• Marrje mendsh ose humbje ekuilibri.
• Rrahje të shpejta, të forta ose të çrregullta të zemrës (palpitacione).
• Enjtje të këmbëve ose ndjenjë lodhjeje të vazhdueshme.

Vizita rekomandohet gjithashtu si kontroll periodik në pacientë me:

• Hipertension arterial.
• Diabet.
• Kolesterol të lartë.
• Histori familjare për sëmundje kardiovaskulare.
• Faktorë rreziku si duhanpirja, mbipesha apo mungesa e aktivitetit fizik.

---

Çfarë përfshin vizita?

Vlerësimi i simptomave

Mjeku analizon:

• Karakterin e dhimbjes në kraharor.
• Kohën e shfaqjes së simptomave (gjatë aktivitetit fizik apo në pushim).
• Praninë e dispnesë, palpitacioneve apo nauzeas.
• Kohëzgjatjen dhe ecurinë e simptomave në kohë.

Historia mjekësore dhe faktorët e rrezikut

Mjeku vlerëson:

• Sëmundjet e mëparshme (hipertension, diabet, çrregullime të tiroides).
• Nivelet e kolesterolit dhe trajtimet e mëparshme.
• Medikamentet që pacienti përdor aktualisht.
• Stilin e jetesës (ushqyerja, aktiviteti fizik, duhanpirja, alkooli).

Historia familjare

Vlerësohet prania e:

• Infarktit të miokardit në familje.
• Goditjeve cerebrale.
• Sëmundjeve të arterieve koronare.
• Vdekjeve të papritura në moshë të re.

Ekzaminimi fizik

Vizita përfshin:

• Matjen e tensionit arterial.
• Vlerësimin e ritmit të zemrës.
• Auskultimin e zemrës për zhurma apo çrregullime valvulare.
• Kontrollin e mushkërive dhe shenjave të enjtjes periferike.

---

Cilat ekzaminime mund të rekomandohen?

Në varësi të gjetjeve klinike, mjeku mund të sugjerojë:

• Elektrokardiogramë (EKG).
• Ekografi kardiake dhe/ose ekografi të karotideve.
• Holter ritmi 24 ose 48 orë.
• Holter tensioni për monitorimin e presionit arterial.
• Provë ushtrimore.
• Analiza laboratorike (profili i yndyrnave, glicemia, markues të tjerë).

Zgjedhja e ekzaminimeve bëhet gjithmonë në mënyrë të individualizuar dhe të bazuar në indikacion klinik.

---

Sa zgjat vizita?

Vizita kardiologjike zakonisht zgjat rreth 20 deri në 30 minuta, në varësi të kompleksitetit të rastit dhe dokumentacionit mjekësor ekzistues.

Nëse nevojitet planifikimi i ekzaminimeve shtesë, mjeku jep udhëzime të detajuara për hapat e mëtejshëm.

---

Kush e kryen vizitën?

Vizita kardiologjike kryhet nga mjekë specialiste kardiologë me përvojë në diagnostikimin dhe menaxhimin e sëmundjeve të zemrës dhe sistemit kardiovaskular. Në Klinika Kajo, vizita kryhet nga:

• Prof. Dr. Efrosina Kajo

---

Pse është e rëndësishme vizita kardiologjike?

Vlerësimi në kohë mundëson:

• Diagnostikim të hershëm të sëmundjeve të zemrës.
• Parandalim të komplikacioneve serioze si infarkti apo goditja cerebrale.
• Kontroll dhe menaxhim të faktorëve të rrezikut.
• Hartim të një plani trajtimi të personalizuar.

📌 Fakt Kontrollet periodike kardiologjike reduktojnë ndjeshëm rrezikun e komplikacioneve afatgjata.

---

Ku kryhet vizita kardiologjike?

Vizita kardiologjike kryhet në Klinika Kajo në Tiranë, nga mjekë specialistë me përvojë në diagnostikimin dhe menaxhimin e patologjive kardiovaskulare.

---

Pyetje të shpeshta

A mund të kryhet EKG gjatë vizitës?
Po. Elektrokardiograma (EKG) mund të kryhet gjatë së njëjtës vizitë, në varësi të vlerësimit mjekësor.

Kur rekomandohet Holter-i?
Holter-i rekomandohet kur ka dyshime për çrregullime të ritmit të zemrës, palpitacione të shpeshta ose simptoma që nuk evidentohen në një EKG standarde.

A duhet të sjell analizat e mëparshme?
Po. EKG-të, analizat laboratorike dhe ekzaminimet e mëparshme ndihmojnë në vlerësimin më të saktë të gjendjes suaj.

A duhet të ndërpres medikamentet para vizitës?
Jo pa u konsultuar me mjekun. Medikamentet për tensionin, zemrën apo diabetin zakonisht vazhdojnë sipas skemës së përshkruar.

---

Rezervoni vizitën kardiologjike në Klinika Kajo

Nëse keni shqetësime që lidhen me zemrën ose dëshironi një kontroll specialistik, mjekët tanë kardiolog janë në dispozicionin tuaj për një vlerësim të plotë dhe profesional.

Rezervoni vizitën tani👉

---

📌 Rishikuar nga Prof. Dr. Efrosina Kajo, Kardiologe, Ekografiste, Klinika Kajo