Me diarre përkufizohen rastet kur:
- Shpeshtësia e jashtëqitjes është 3 ose më shumë herë në ditë.
- Fortësia e feçes është e butë ose e ujshme.
- Pesha e jashtëqitjes është e shtuar ( > 200 gr/ditë).
Diarrea klasifikohet në:
- Diarre akute.
- Diarre kronike (e cila zgjat më shumë se 3 javë).
Shkaqet më të shpeshta mund të jenë:
- Infeksioze:
- Nga Bakteret: E.Coli, Salmonela, Yersinia, Campylobakter Jejuni, Shigella, Vibrio Cholera etj.
- Nga Viruset: Norovirus, Rotavirus etj.
- Protozoare: Entamoeba Histolytica, Giardia lamblia, Kryptosporidien etj.
- Diarre e induktuar nga marrja e antibiotikëve.
- Diarre e induktuar nga marrja e medikamenteve të tjera. Disa shembuj janë:
- Laksativë (kundër kapsllëkut).
- Zytostatikë(antitumorale).
- Colchicin (antireumatizmale).
- Alergji nga ushqimet ose intolerancë ushqimore. Disa shembuj janë:
- nga Laktoza.
- nga Fruktoza.
- Gjëndje të cilat të çojnë në maldigjestion (keqtretje). Disa shembuj janë:
- Gjëndje postgastrektomie (të sëmurët të cilët janë operuar nga stomaku).
- Insufiçenca ekzokrine e pankreasit (pamundësia e daljes së enzimave të pankreasit në zorrë).
- Sëmundje të cilat çojnë në malabsorbim (keqthithje të lëndëve ushqimore).
- Sëmundje inflamatore kronike të zorrës si:
- Morbus Crohn.
- Koliti Ulçeroz.
- Sindroma e Zorrës së Irrituar
- Adenoma dhe Karcinoma te Kolonit (Kanceri i Zorrës së Trashë).
- Shkaqe hormonale:
- Hipertiroza (prodhim i shtuar i hormoneve të tiroides).
- Neuropatia Diabetike Autoimmune (dëmtime të fijeve nervore nga sëmundja e diabetit).
Diagnoza:
- Vizitë Gastro-Hepatologjike.
- Anamneza. Disa nga pyetjet që mjeku mund të bëjë janë:
- Sa kohë ka pacienti me diarre.
- Shpeshtësia, ngjyra dhe volumi i feçes.
- Prani e gjakut dhe/ose e mukusit në feçe.
- Prania e simptomave të tjera shoqëruese si temperaturë, dhimbje barku, dhimbje kyçesh, lodhje trupore.
- Hekuri në gjak: Sideremi, Ferritinemi.
- Ekzaminimi objektiv:
- Ekzaminimi i barkut.
- Gjëndja e hidratimit (e tharjes së organizmit si etja për ujë, lëkurë e rrudhur dhe e thatë).
- Temperatura.
- Simptoma ekstraintestinale (jashtë tubit tretës).
- Ekzaminime laboratorike:
- Feçe gjak okult.
- Feçe për leukocite, për yndyrë, për Elastazë 1, për Clostridium dhe toksinat e tij A dhe B etj.
- Feçe Parazit.
- Koprokulturë.
- Gjak komplet me Eritrosediment.
- Elektrolitet.
- Kreatinemi.
- Glicemi.
- Amilazemi.
- Lipazemi.
- Ekzaminime serologjike për mikrobe të caktuara.
- Anti-TG2-Ak (tregues për malabsorbimin nga proteina e grurit).
- TSH (tregues për homonet e tiroides).
- Ekzaminime endoskopike: Kolonoskopi në disa raste edhe me biopsi, Gastroskopi me biopsi në Duoden.
- Teste të frymës si për shembull: testi (prova) i tolerancës së Xylose-s, testi i Ureazës.
Trajtimi:
- Trajtimi me antibiotik kur shkaktari i diarresë është bakter (pas testit të Koprokulturës).
- Trajtimi me antiprazitar kur shkaktarë janë parazitet.
- Nëse shkak për diarrenë janë antibiotiket apo medikamente të tjera, ndërpritet marrja e tyre ose zëvendësohet marrja e tyre me medikamente të tjera.
- Terapi specifike për sëmundjet inflamatore të zorrës.
- Rehidratimi nëpërmjet dhënies së lëngjeve dhe elektroliteve.
- Marrje e frenuesve të peristaltikës (lëvizshmërisë) së zorrës si për shembull Loperamid. Kjo vetëm për një kohë shkurtër.
- Trajtimi me Spasmolitike (medikamente) për të qetësuar dhimbjet e barkut.
Parandalimi:
- Kushtet higjieno-sanitare të ambjenteve ku jetojmë dhe punojmë mund të kryejnë një rol të rëndësishëm në parandalimin e diarresë.
- Higjiena personale është shumë e rëndësishme.
- Marrja pa kriter, dhe pa rekomandimin e mjekut, e antibiotikëve është gjithashtu e pakëshilluar.
KUJDES! Teksti në këtë faqe është shkurtuar dhe thjeshtësuar për t'u bërë më i kuptueshem nga pacienti mesatar. Ai ka si qëllim informimin e publikut dhe nuk duhet në asnjë mënyrë të zëvendësojë konsultat mjekësore të specializuara.