Sëmundja e celiakisë

Sëmundja e Celiakisë është një sëmundje imunologjike e lidhur me Glutenin (proteinë e cila gjëndet në drithëra), e cila prek disa organe. Ajo konsiston në mos-zbërthimin e plotë të proteinës së grurit nga enzimat përkatëse.

Shkaku kryesor i kësaj sëmundje është intoleranca ndaj Gliadinës në persona me predispozitë gjenetike të caktuar (lidhja me HLA-DQ2 dhe HLA-DQ8). Gliadina është fraksion i tretshëm në alkool i Glutenit.

Ankesat:

• Ankesat klasike të Celiakisë:
  • Diarre.
  • Rënie në peshë.
  • Sindromi i malabsorbimit (keqtretje ose keqthithje e ushqimit në zorrë).
  • Vonesë e zhvillimit fizik në moshën e fëmijërisë.
• Ankesa jashtë tubit tretës:
  • Dermatiti Herpetiform Duhring – skuqje të cilat shfaqen kryesisht në pjesët e shtrira të lëkurës së këmbëve, të duarve, në pjesën e përparme të trupit.
  • Mungesa e hekurit- djegie e gjuhës, gjuhë e skuqur atrofike.
  • Artritis – dhimbje të kyçeve.
  • Osteoporozë – pakësim të kalçiumit në kocka.

Diagnoza:

• Vizitë Gastro-Hepatologjike.
• Gastroskopi me Biopsi në pjesën e Duodenit.
• Ekografi Abdominale.
• Analiza Laboratorike:
  • Funksioni hepatik (i mëlçisë): Bilirubinë Direkte, Bilirubinë Totale, SGOT, SGPT, ALP, PCR, LDH, GGT, Fibrinogjen, Albuminemi.
  • Funksioni renal (i veshkës): Azotemi, Kreatinemi.
  • Glicemi.
  • INR.
  • Gjak Komplet.
  • Hekuri në gjak: Sideremi, Ferritinemi.
  • Funksioni i pankreasit: Amilazemi, Amilazuri, Lipazemi.
  • Elektrolitet (Ca, K, Mg, Na, Cl).
  • FR, ASO.
  • EMA, IgG-anti-DGP, Anti-Tg2-IgA (këto janë analiza specifike kur dyshohet për këtë lloj sëmundje).

Trajtimi:

Trajtimi kryesor i kësaj sëmundje konsiston në mbajtjen e një diete ushqimore strikte pa Gluten. Gjithashtu, duhet përdorur edhe terapia e përkohëshme me medikamente për të zëvendësuar ato defiçite të cilat kjo sëmundje mund të ketë shkaktuar deri në momentin e diagnostikimit.